Íslenska hljómsveitin Bang Gang mun hita upp fyrir frönsku hljómsveitina Air á tvennum tónleikum í Frakklandi dagana 10. og 11. október. Uppselt er á tónleikana, enda er Air ein fremsta hljómsveit Frakklands. Hún öðlaðist heimsfrægð þegar hún sendi frá sér plötuna Moon Safari fyrir áratug en platan naut meðal annars mikilla vinsælda hér á landi. Air, sem er skipuð þeim Jean-Benoît Dunckel og Nicolas Godin, hélt tónleika fyrir fullu húsi í Laugardalshöllinni í júní í fyrra.