Málverk seldist á milljarð

Ófullgerð andlitsmynd, sem breski málarinn Lucian Freud málaði af vini sínum, írska málaranum Francis Bacon, seldist á uppboði í Lundúnum í kvöld á 5.417.250 pund, jafnvirði rúmlega milljarðs króna. Málverkið var málað á árunum 1956-1957.

Freud málaði tvær myndir af Bacon en hinni, sem er frá 1952, var stolið af sýningu í Berlín 1988. 

Þeir Freud og Bacon hittust fyrst árið 1945 og urðu síðan miklir vinir.  Bacon, sem lést árið 1992, hafði mikil áhrif á Freud og þeir sátu fyrir á málverkum hvor hjá öðrum. Bacon málaði Freud fyrst 1951 og oft síðar. 

Að sögn uppboðshússins Christie's lauk Freud ekki við málverkið af Bacon vegna þess að sá síðarnefndi fór skyndilega úr landi, líklega til að leita að ástmanni sínum,  Peter Lacy í Tangier í Marokkó.  

• 6 blogg um fréttina

Bloggað um fréttina

• Hólmdís Hjartardóttir: Íslendingar?
• Pálmi Guðmundsson: Hugmynd...
• Ransu: Útfarastemmning á uppboðum
• Dögg Pálsdóttir: Einhvers staðar
• Guðmundur Margeir Skúlason: Ríkið ætti að selja öll sín málverk!
• Viggó H. Viggósson: Þúsund orðin, myndirnar og milljarðarnir.