Tony Hillerman.

Bandaríski spennusagnahöfundurinn Tony Hillerman lést  í Arizona á sunnudag af völdum  lungnasjúkdóms, 83 ára að aldri. Hillerman var heimsþekktur fyrir bækur sínar um lögreglumenn á verndarsvæðum Navajo indíána í Nýju-Mexíó.

Helstu söguhetjur bókanna voru lögreglumennirnir Joe Leaphorn og  Jim Chee. Í bókunum var einnig varpað ljósi á siði og launhelgar Navajo-indíána.

Nokkrar af bókum Hillermans hafa verið þýddar á íslensku, þar á meðal Haugbrjótar og Talandi guð.