Veröld/Fólk | Veraldarfréttir | AFP | 8.12.2008 | 14:10

Sjötug frumbyrja á Indlandi

mbl.is/Kristinn

Læknir á Indlandi hefur greint frá því að sjötug kona hafi fætt barn í Haryana-ríki þar í landi, sem getið var með tæknifrjóvgun. Sé þetta rétt er um að ræða elstu konu sem vitað er til að fætt hafi sitt fyrsta barn.

Önnur sjötug kona fæddi tvíbura á Indlandi í júlí á þessu ári og 66 ára spænsk kona fæddi tvíbura árið 2006. Læknirinn segir konuna Rajo Devi hafa fætt stúlkubarn þann 28. nóvember og að stúlkan sé hennar fyrsta barn.

Hún hefur verið gift manni sínum Bala Ram í fimmtíu ár og hefur þeim ekki orðið barna auðið fyrr en nú. Ram giftist einnig systur Devi eftir tíu ára barnlaust hjónaband þeirra en systurinni varð heldur ekki barna auðið.

Veröld/Fólk, Veraldarfréttir — Fleiri fréttir

Lét níu ára dóttur sína keyra

15:52 Bandarískur maður sem lét níu ára dóttur sína keyra sig um þar sem hann var undir áhrifum áfengis, hefur verið dæmdur í tveggja ára skilorðsbundið fangelsi. Meira

Svaf í bíl sem var stolið

Faðirinn hafði skroppið inn í búð að kaupa áfengi.

21.2. Sex ára gamall drengur svaf á meðan þjófar tóku bílinn sem hann var í ófrjálsri hendi fyrir utan verslunarmiðstöð í New York. Faðir drengsins hafði skroppið inn í búðina og skilið bílinn eftir í gangi og barnið sofandi. Meira

Göltur ástfanginn af nauti

í gær Nokkuð sérstakar aðstæður hafa skapast á sveitabæ í suðurhluta Svíþjóðar en þar hefur göltur nokkur tekið ástfóstri við naut á bænum. Að sögn bóndans, Magnus Nyman, varð gölturinn alveg heltekinn af nautinu fyrir um ári og hafi síðan ekki látið það í friði. Meira

Matseðill af Titanic boðinn upp

21.2. Vonast er til að um 100 þúsund pund fáist fyrir matseðil úr hinni örlagaríku jómfrúferð farþegaskipsins Titanic árið 1912 á uppboði 31. mars næstkomandi hjá uppboðsfyrirtækinu Henry Aldridge & Son. Meira