Guy Ritchie með fyrrum eiginkonu sinni Madonnu. Reuters

Það hefur vakið athygli í Bretlandi að undanförnu að kvikmyndaleikstjórinn Guy Ritchie hefur hvað eftir annað sést í fylgd Jemimu Khan, sem er hvað þekktust fyrir að hafa verið vinkona Díönu prinsessu og síðan kærasta kvikmyndaleikarans Hugh Grant. 

Talsmaður Guy hefur neitað að tjá sig um málið en vinir þeirra segja þau einungis vera vini.

„Það er engin rómantík í loftinu. Þau eru hjá sama kynningarfyrirtæki og þegar þau hafa farið út saman að undanförnu þá hefur það verið vinnutengt,” segir ónefndur vinur Guy. „Þeim hefur alltaf komið vel saman enda hafa þau þekkst um árabil.” 

Guy skildi nýlega við bandarísku söngkonuna Madonnu en Jemima var eitt sinn gift pakistanska krikketleikmanninum Imran Khan, sem undanfarin ár hefur reynt hefur fyrir sér í stjórnmálum í heimalandi sínu.