Hótelerfinginn og kokteilkænan Paris Hilton er í öngum sínum eftir að hún sá myndir af fyrrv. kærasta sínum, rokkaranum Benji Madden, og söngkonunni Katy Perry í Las Vegas þar sem þau eyddu Valentínusardeginum saman.
Að sögn heimildarmanna í innsta hring Hilton er hún allt að því frávita af afbrýðisemi og hefur lýst því yfir að hún muni gera allt sem í hennar valdi stendur til að fanga hjarta Benjis á ný. Þó getur verið að Paris sé að oftúlka myndirnar sem höfðu svo sterk áhrif á hana, því í viðtali sem tímarit eitt tók við Perry skömmu eftir Valentínusardag, sagði hún að þau Benji væru bara vinir og að hjarta hennar væri frátekið fyrir köttinn.