Magdalena Dubik kjörin ungfrú Reykjavík
Setja bókamerki
Magdalena Dubik, 22 ára fiðluleikari, var í kvöld kjörin ungfrú Reykjavík. Keppnin fór fram á Broadway en var sýnd beint á Skjá einum. Magðalena hefur stundað tónlistarnám í 12 ár en stundar jafnframt fjarnám við Fjölbrautaskólann í Ármúla og stefnir á nám í læknisfræði eftir tónlistarnámið.
Í öðru sæti í keppninni var Sylvia Dagmar Friðjónsdóttir, 19 ára Kópavogsbúi, sem stundar nám við Menntaskólann í Kópavogi. Í þriðja sæti varð Elísa Guðjónsdóttir, 19 ára Vestmannaeyingur, sem stundar nám við Fjölbrautaskólann í Ármúla.
Í símakosningu varð hlutskörpust Hafdís Hrönn Hafsteinsdóttir, 18 ára Reykvíkingur ættuð frá Ísafirði. Hún stundar nám við Fjölbrautaskólann í Ármúla. Vinsælasta stúlkan var valin Hlín Arngrímsdóttir, 18 ára Kópavogsbúi sem stundar nám við Fjölbrautaskólann í Breiðholti.
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
„Á réttri leið en nokkuð í land ennþá“
Handteknir eftir myndatöku í Vesturbæjarlaug
Verðbólgan komin niður í 6%
„Hvílir mikil leynd yfir þessu öllu“
Tóku upp hanskann fyrir leikskólabörn
„Okkur miðar í rétta átt“