Ungstirnið Miley Cyrus hefur lýst því yfir opinberlega að hún muni ekki stunda kynlíf fyrir hjónaband. Cyrus sem er sextán ára er í sambandi með undirfatafyrirsætunni Justin Gaston en hann er kominn á þrítugsaldurinn. Ekki fylgir sögunni skoðun hans á yfirlýsingu kærustunnar.

Cyrus segir í samtali við breska dagblaðið Daily Mail að hún komi frá trúaðri fjölskyldu og lifi eftir sönnu kristinu siðgæði. Hún var áður í sambandi með Nick Jonas úr kristnu strákasveitinni Jonas Brothers. Allir meðlimir þeirrar sveitar bera hringa til merkis um að þeir ætli sér ekki að leggjast með konu fyrr en hringunum verður skipt út með öðrum, þ.e. giftingahringum.