Kraftaverk í verslun 10-11?

Starfsmenn verslunar 10-11 við Laugalæk ráku upp stór augu í gærkvöld þegar María Mey birtist þeim óvænt rétt framan við afgreiðslukassa.

Myndin af Maríu var listilega máluð á spónaplötu en listamaðurinn er óþekktur. Víða um heim hefði sennilega orðið uppi fótur og fit við fund á borð við þennan, og honum líklega tekið sem tákni frá Guði almáttugum.

Starfsmenn 10-11 halda sig þó við þá skýringu að einhver hafi gleymt myndinni, sem gæti sem best sómt sér sem altaristafla.

Auglýst er eftir eiganda verksins og getur sá hinn sami vitjað þess í verslun 10-11 við Laugalæk.

• 1 blogg um fréttina

Bloggað um fréttina

• Rögnvaldur Þór Óskarsson: Pílukast