Veröld/Fólk | 1 Fólk - fréttir | mbl | 8.5.2009 | 14:40

Carreras dregur sig í hlé

José Carreras. mbl.is

Spænski tenórsöngvarinn José Carreras segist í blaðaviðtali í dag ætla að hætta að koma fram í óperum. Segir Carreras, að hin líkamlega áreynsla, sem fylgi óperusýningum, sé að verða honum um megn.

Carreras, sem er 62 ára, varð heimsþekktur sem einn af tenórunum þremur þegar hann fór að koma fram ásamt Plácido Domingo, landa sínum og Ítalanum Luciano Pavarotti. Hann segir nú í viðtali við breska blaðið The Times, að hann muni hér eftir láta sér nægja að koma fram á tónleikum.

„Ef efnisskráin passar við mitt söngsvið er það í lagi. En óperuferli mínum er lokið."

Carreras fékk hvítblæði árið 1988 en læknaðist. Tveimur árum síðar kom hann fyrst fram með Domingo og Pavarotti í Róm þegar heimsmeistaramótið í knattspyrnu var sett. Þeir komu síðan nokkrum sinnum fram saman til ársins 2003.

Carreras hélt tónleika hér á landi árið 2004 og söng m.a. með Sigrúnu Hjálmtýsdóttur.

Grein The Times

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...