Húsavíkurkirkja var þétt setin á fyrri tónleikunum og tónleikagestir hæstánægðir með það sem fyrir augu og eyru bar. mbl.is/Hafþór Hreiðarsson

Hann var þétt setinn bekkurinn í Húsavíkurkirkju í kvöld þegar Gospelkór Húsavíkur hélt sína árlegu vortónleika. Tvennir tónleikar voru haldnir í kvöld og standa þeir síðari nú yfir í kirkjunni.

Að venju var mikið lagt í tónleikana, efnisskráin fjölbreytt og kórinn með hljómsveit sér til fulltingis.

Þær Elísabet Anna Helgadóttir og Hólmfríður Agnes Grímsdóttir sungu einsöng með kórnum og eins og áður kom gestasöngvari fram með kórnum. Í ár var það enginn annar en sálarsöngvarinn Stefán Hilmarsson.

Húsavíkurkirkja var þétt setin á fyrri tónleikunum og tónleikagestir hæstánægðir með það sem fyrir augu og eyru bar