Bandaríska leikaranum Tobey Maguire og konu hans, Jennifer Meyer, fæddist drengur í gærdag. Þetta er annað barn þeirra hjóna en fyrir eiga þau tveggja ára dóttur, Ruby Sweetheart. Fulltrúi leikarans staðfesti þetta við bandaríska tímaritið US Magazine og einnig að konu og barni heilsist vel.

Maguire sem er 33 ára er einna þekktastur fyrir leik sinn í kvikmyndunum um köngulóarmanninn (e. Spider-Man). Hann hitti konu sína á meðan tökum á kvikmyndinni Seabiscuit stóð árið 2003. Þau gengu í hjónaband á Hawaii þremur árum síðar.