Hjálmar H. Ragnarsson, tónskáld og rektor Listaháskóla Íslands. Kristinn Ingvarsson

Hjálmar H. Ragnarsson tónskáld hefur verið kjörinn heiðurslistamaður Kópavogsbæjar fyrir árið 2009, segir í fréttatilkynningu.

 „Hjálmar hefur verið atkvæðamikill sem tónskáld hér á landi allt frá því hann flutti heim að loknu námi árið 1980. Verk hans spanna allt frá einleiksverkum til stærri sinfónískra verka og frá einsöngslögum til söngleikja og ópera,“ sagði Sigurrós Þorgrímsdóttir, formaður lista- og menningarráðs Kópavogs, þegar hún tilkynnti um kjörið.

 „Hann hefur samið tónlist fyrir fjölda leiksýninga og fyrir kvikmyndir, auk þess sem hann hefur unnið með fjölmörgum kórum og sönghópum bæði sem tónskáld og stjórnandi.“