Já, það er satt Jóhanna - Ísland komið áfram
Jóhanna Guðrún í Moskvu. AP
Ísland er á meðal þeirra 10 þjóða sem komust áfram í úrslitakeppni Söngvakeppni evrópskra sjónvarpsstöðva sem fer fram nk. laugardag í Moskvu. Jóhanna Guðrún Jónsdóttir söng framlag Íslands í ár, lagið „Is it true?“ eftir Óskar Pál Sveinsson.
Alls tóku 18 þjóðir þátt í fyrri undankeppninni sem fram fór í kvöld. Ekki kom fram í hvaða sæti Ísland lenti í kvöld. Mikil spenna ríkti því Ísland var síðasta landið af 10 sem tilkynnt var að hefði komist í úrslitin. Áhorfendur í tónlistarhöllinni í Moskvu, þar sem keppnin fór fram, voru farnir að kalla: Ísland, Ísland, þegar íslenski fáninn birtist loks í umslagi á sjónvarpsskjám.
Tyrkland, Svíþjóð, Ísrael, Portúgal, Malta, Finnland, Bosnía-Hersegóvína, Rúmenía og Armenía komust einnig áfram í kvöld. Er þessi niðurstaða samhljóða spá, sem vefurinn Esctoday.com birti í dag og byggði á atkvæðum yfir 100 þúsund lesenda sinna. Lesendurnir spáðu raunar Sviss 10. sæti en spáðu því einnig, að dómnefnd myndi velja Ísrael á kostnað Sviss.
Á fimmtudag fer seinni undankeppnin fram.
Malena Ernman frá Svíþjóð komst einnig áfram í kvöld. Reuters
Finnarnir komust einnig áfram. Reuters
Myndasyrpa: Fyrri undanúrslit Evróvisjón
Fyrri undanúrslit Evróvisjón söngvakeppninnar fóru fram í Moskvu, höfuðborg Rússlands 12. maí. Hér eru myndir af Jóhönnu Guðrúnar Jónsdóttur og keppinautum hennar.
Birtingardagur: Þriðjudaginn, 12. maí 2009
- Eltihrellir Madonnu handtekinn
-
Harry prins kominn með þyrlupróf
- Munir úr Á hverfanda hveli brunnu
- Biðja fyrir heilbrigðum býflugum
- VÍS og Borgarleikhúsið í samstarf
- Koníak úr frönsku byltingunni til sölu
- McCartney fékk stjörnu
- Þetta er algjör hvirfilbylur
- Keppa fyrir Ísland í Stora Daldansen
- Fallinn fyrir Carmen Electra
- Ástfangin á sviðinu
- Eltihrellir Madonnu strauk af geðsjúkrahúsi
