Hallgrímur Helgason. Þorkell Þorkelsson

Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum.

Hann segir jafnframt, að bókin Draumalandið, eftir Andra Snæ Magnason, komi upp í hugann  við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts.

Gagnrýnandinn, Dag Jönsson, segir að Rokland sé merkileg bók, sem sé knúin afram af málæði, sem sveiflist milli þess stórkarlalega, kómíska og innantóma. Og þótt heimskautaspámaðurinn Böddi sé að sjálfsögðu skopmynd sé samfélagsgagnrýnin alvarleg.

Grein DN um Rokland