Innlent | mbl | 17.5.2009 | 18:06 | Uppfært 15.12.2009 13:05

Evróvisjón á Austurvelli

Jóhanna Guðrún syngur Is it True? á Austurvelli. mbl.is/Golli

„Gaman að sjá ykkur," sagði Jóhanna Guðrún Jónsdóttir þegar hún kom upp á svið á Austurvelli nú síðdegis þar sem þúsundir Reykvíkinga fögnuðu henni.

Jóhanna Guðrún flutti flutti síðan Evróvisjónlagið Is it True? en áður höfðu bakraddarsöngvararnir, þau Friðrik Ómar, Hera Björk og Erna Hrönn, flutt Krummi svaf í klettagjá, sem þau sögðust hafa sungið í samkvæmi sem íslenska sendiráðið í Moskvu hélt í tengslum við Evróvisjónkeppnina.

Páll Óskar stýrði samkomunni á Austurvelli en Reykjavíkurborg og Ríkisútvarpið stóðu fyrir henni í tilefni af velgengni íslenska hópsins í Evrópusöngvakeppninni. Þar varð Ísland í 2. sæti á eftir Noregi.

Um 20 stiga hiti er í miðborg Reykjavíkur sem jók á stemmninguna í miðborginni.

Kastljós Sjónvarpsins verður helgað Evróvisjón söngvakeppninni í kvöld.

Jóhanna Guðrún á Austurvelli undir kvöld. mbl.is/Golli

Myndasyrpa: Íslensk Evróvisjónstemmning

Spila sjálfkrafa

Íslenski Evróvisjónhópurinn kom í dag heim frá Moskvu en Jóhanna Guðrún Jónsdóttir endaði í 2. sæti í úrslitum Evróvisjón í gærkvöldi. Þúsundir manna mættu á Austurvöll til að fagna íslensku hetjunum.

Birtingardagur: Sunnudaginn, 17. maí 2009

Innlent — Fleiri fréttir

„Ég hef sjaldan verið jafn glaður“

Kristmundur Axel Kristmundsson söng og dansaði með Bláum ópal í Hörpu í gær.

Í gær, 23:53 „Við í Bláum ópal erum rosalega sáttir og þakklátir fyrir allan stuðninginn, þvílík snilld,“ segir Kristmundur Axel Kristmundsson, einn fjórmenninganna í Bláum ópal. Í bréfi sem hann sendi mbl.is eru endalausir broskarlar :-) enda segir Kristmundur Axel: „Ég hef sjaldan verið jafn glaður og bjartsýnn á lífið eins og núna.“ Meira

Meirihluti vill Ólaf Ragnar áfram

Forsetahjónin Ólafur Ragnar Grímsson og Dorrit Moussaieff.

Í gær, 20:10 54% Íslendinga vilja að Ólafur Ragnar Grímsson gefi aftur kost á sér sem forseti landsins. Þetta sýnir ný könnun sem sagt var frá í fréttum Stöðvar tvö í kvöld. Meira

Böðuð ljósi og litum

Ýmsar verur klífa nú Hallgrímskirkju í magnaðri ljósasýningu.

Í gær, 20:52 Hallgrímskirkja verður böðuð mögnuðum ljósum og litum á sífelldri hreyfingu til miðnættis en gjörningurinn er hluti af dagskrá Vetrarhátíðar sem lýkur í kvöld. Höfundur ljósasýningarinnar er Marcos Zotes. Meira

Hundrað þúsund meira í bensínskatt

Í gær, 19:04 Venjuleg fjölskylda greiðir ríkinu hundrað þúsund krónum meira á ári í bensínskatta nú en fyrir fjórum árum. Sá hluti kaupverðsins sem olíufélögin fá til sín hefur hækkað um 87% á sama tíma. Þetta kom fram í fréttum RÚV í kvöld. Meira