Hátíð á Austurvelli í dag

Borgarbúum gefst tækifæri til að taka á móti Jóhönnu Guðrúnu Jónsdóttur  á Austurvelli á sérstökum fagnaðarfundi sem Reykjavíkurborg og RÚV halda í tilefni velgengni íslenska hópsins í Evrópusöngvakeppninni. Sjónvarpað verður beint frá athöfninni.

Að sögn Þórhalls Gunnarssonar dagskrárstjóra mun Páll Óskar halda uppi fjörinu og byrjar hann að hita upp nokkru áður en útsendingin hefst kl. 17:30. Hvetur Þórhallur sem flesta til að mæta í góða veðrinu. Gert er ráð fyrir að íslenski Evróvisjónhópurinn stígi á svið um kl. 18.

„Okkur langaði að veita borgarbúum tækifæri til að taka á móti og fagna með Jóhönnu. Hún var landi og þjóð til mikils sóma í gær,“ segir Hanna Birna Kristjánsdóttir borgarstjóri í tilkynningu.

 

• 5 blogg um fréttina

Bloggað um fréttina

• Jón Halldór Guðmundsson: Tók Reykjavík þátt í Eurovision?
• Ingvar Valgeirsson: Hefur enginn hugsað út í...
• Njörður Helgason: Upp með Fálkaorðuna.
• Guðmundur Fannar Kristjánsson: Var Óli grís upptekinn??
• Einar Guðjónsson: Má ekki sleppa Hönnu Birnu