Ragnar Kjartansson mbl.is/EFI

eftir Ingveldi Geirsdóttur ingveldur@mbl.is

„Ég held að það sé óhætt að segja að íslenski skálinn sé vinsælasti áfangastaðurinn í Feneyjum í kvöld,“ segir Börkur Arnarson hjá galleríi i8, staddur á opnun sýningar Ragnars Kjartanssonar á Feneyjatvíæringnum í gærkvöldi. „Opnunin gengur ofsalega vel, það er í gangi heljarinnar veisla og úti á götu er löng röð af fólki sem er að reyna að komast inn.“

Ragnar kallar verk sitt á tvíæringnum The End og er það tvískipt. Í öðrum hluta skálans er viðamikil myndbandsinnsetning sem hann vann að í kanadísku Klettafjöllunum og í hinum hlutanum er hann með opna vinnustofu þar sem hann málar á hverjum degi næsta hálfa árið mynd af Páli Hauki Björnssyni myndlistarmanni, sem er klæddur svartri Speedo-sundskýlu, reykir og drekkur bjór meðan hann situr fyrir.

Á opnuninni í gærkvöldi vann Ragnar við að mála Pál.

Fjallað er um málið í Morgunblaðinu í dag.