Veröld/Fólk | Veraldarfréttir | mbl | 27.6.2009 | 18:43

Konur hamingjusamastar 28 ára

Brasilíska fyrirsætan Adriana Lima varð 28 ára 12. júní sl. Hún á því gott ár framundan, ef marka má rannsókn Clairol. Reuters

Rannsókn bandaríska hárvöruframleiðandans Clairol hefur leitt í ljós að konur eru hvað hamingjusamastar árin áður en þær verða þrítugar. Á því tímabili eru þær hvað ánægðastar með líkama sinn, eru sjálfsöruggar og njóta kynlífs til fulls. Hamingjan fer svo dvínandi þegar áhyggjur af gráum hárum og hrukkum taka við.

Breska blaðið Daily Telegraph greinir frá rannsókninni. Þar kemur fram að hún var gerð á 25 til 65 ára konum og meðal þess sem kom fram er, að konur eru ánægðastar í starfi 29 ára og í sambandi þrítugar, þrátt fyrir að lifa bestu kynlífi 28 ára.

Yfir sextíu prósent finnst þær eldast hraðar en karlmenn og 56% höfðu áhyggjur af því að útlit þeirra breytist til hins verra með tímanum.

Veröld/Fólk, Veraldarfréttir — Fleiri fréttir

Tólf ára bjargaði ættaróðalinu

Í gær, 21:37 Tólf ára piltur frá Wisconsin í Bandaríkjunum er orðinn hetja innan fjölskyldu sinnar, ef ekki víðar, eftir að hann bjargaði ömmu sinni frá því að vera borin út úr húsi sínu, sem hafði verið í eigu fjölskyldunnar í þrjá ættliði. Meira

Munir úr Á hverfanda hveli brunnu

Vivien Leigh og Clark Gable í hlutverkum sínum í Á hverfanda hveli.

í fyrradag Talið er að munir úr kvikmyndinni Á hverfanda hveli, Gone with the Wind, hafi orðið eldi að bráð í fyrrinótt. Munirnir voru geymdir í safninu Vegurinn til Töru í Atlanta í Bandaríkjunum. Meira

Skaut í sundur fartölvu dóttur sinnar

í fyrradag Myndband af bandarískum karlmanni sem refsar unglingsdóttur sinni með því að skjóta af skammbyssu á fartölvu hennar hefur vakið hörð viðbrögð á netinu og yfir tvær milljónir manna skoðað það á Youtube. Refsingin var tilkomin vegna færslu stúlkunnar á Facebook, þar sem hún kvartar yfir foreldrum sínum. Meira

Biðja fyrir heilbrigðum býflugum

Prestur í rétttrúnaðarkirkjunni biður til heilags Haralambos um betri tíð.

í fyrradag Meðlimir í rétttrúnaðarkirkjunni í Búlgaríu tilbiðja í dag dýrlinginn Haralambos, verndara býflugna. Biður fólk dýrlinginn að vernda heimili sín og aflétta frosthörkunum í landinu. Meira