Michael Jackson í efsta sæti
Setja bókamerki
Bandaríski popptónlistarmaðurinn Michael Jackson, sem lést í Los Angeles á fimmtudag, fór í efsta sætið á breska plötusölulistanum, sem birtur var undir kvöld. Fimm smáskífur Jacksons birtust einnig á lista yfir 40 vinsælustu lögin þar í landi.
Safnplatan Number Ones, sem inniheldur mörg af þekktustu lögum Jacksons, fór úr 121. sæti á vinsældarlistanum í það 1. Plata með Jackson hefur ekki farið í 1. sæti breska listans frá því sama plata kom út.
Platan Thriller fór úr 179. sæti í það 7. og safnplatan King of Pop fór í 14. sæti. Platan Off the Wall fór í 17. sæti og The Essential Michael Jackson í 20. sæti.
Þá komst lagið Man in the Mirror á smáskífulistann í 11. sæti, Billie Jean fór í 25. sæti, Smooth Criminal í 28. sæti, Beat It í 30. sæti og Earth Song í 38. sæti.
Plötuútgáfan HMV segir að eftirspurn eftir tónlist Jacksons hafi 80 faldast eftir að fréttir bárust af dauða hans.
Myndir: Reynir við heimsmet í Hlíðarfjalli í dag
Tapa fimm milljónum á dag
Verðbólgan komin niður í 6%
Áköf mótmæli í bandarískum háskólum
Hönnun sem bætir líf manna
Íslendingar ein mest einmana þjóð heims