Emma Watson LUKE MACGREGOR

Leikkonan Emma Watson var flott á því þegar hún mætti í skólann í síðustu viku en farartækið var þyrla. Watson, sem helst er þekkt fyrir leik sinn í Harry Potter myndunum, hefur ítrekað haldið því fram að hún vilji láta lítið  fyrir sér fara. Eitthvað virðist það hafa breyst þegar hún mætti í  Brown University á Rhode Island í fyrsta skiptið sl. miðvikudag.

Haft er eftir einum skólafélaga hennar að aðrir nemendur hafi ekki trúað sínum eigin augum þegar Watson mætti á þyrlunni á meðan aðrir hafi fengið far með mömmu og pabba.

Watson hegðaði sér hins vegar svipað og skólafélagarnir um helgina en til hennar sást með öðrum nýnemum á rölti um háskólasvæðið.