Girnilegur? mbl.is

Hann samanstendur af ostborgara með beikoni og kleinuhring í stað hamborgarabrauðs, borgarinn sem gerði allt vitlaust á hátíð sem er nýafstaðin í Massachusetts í Bandaríkjunum. Yfir þúsund slíkir Brjálaðir borgarar (Craz-E Burgers) seldust dag hvern á hátíðinni sem stóð yfir í sautján daga. Sú staðreynd að borgarinn telur litlar 1.500 hitaeiningar og inniheldur gríðarlegt magn sykurs og mettaðrar fitu, hafði engin áhrif á vinsældirnar.

Aðstandendur hátíðarinnar, sem kallast Stóra E-ið eða Big E, kynnti borgarann sem einkennis mat hátíðarinnar og lýsti honum sem unaðslegum bita þar sem ólíkum tegundum matar er blandað saman. Niðurstaðan er ný upplifun fyrir bragðlaukana, mjúkur borgari með stökku beikoni og sykursætu brauði.

Sagan segir að Brjálaði borgarinn hafi orðið til á veitingastað í Georgiu sem þurfti að grípa til þess ráðs að nota kleinuhringi þegar hamborgarabrauðin kláruðust. Borgarinn var þá kallaður Luther borgarinn eftir söngvaranum Luther Vandross sem var sólginn í þennan óvenjulega hamborgara.