Íslandsvinurinn Jarvis Cocker verður gerður að heiðursdoktor við Sheffield Hallam-háskólann í nóvember næstkomandi. Cocker fæddist í Sheffield og þakkar háskólanum gott gengi sitt sem listamaður.
Í fyrrnefndum háskóla afhenti hljómsveit Cockers, Pulp, útvarpsmanninum þekkta, John Peel, fyrstu prufuupptöku sveitarinnar. Cocker nam við háskólann í þá tíð er hann var tækniskóli og námið þar fleytti honum inn í lista- og hönnunarskólann Central St. Martin's í London, árið 1988.
Jarvis nam skúlptúr við Central Saint Martin's en skólinn kemur einmitt við sögu í lagi Pulp, „Common People“: „She came from Greece she had a thirst for knowledge, she studied sculpture at Saint Martin's College, that's where I, caught her eye...“ o.s.frv.