Britney fór beint á toppinn
Britney Spears hefur sungið sig á topp vinsældarlistans á ný. Reuters
Nýjasta smáskífa poppstjörnunnar Britney Spears, sem heitir „3“, skaust beint á toppinn á bandaríska vinsældarslistanum. Samkvæmt upplýsingum frá tónlistartímaritinu Billboard er Britney fyrsti listamaðurinn sem kemur lagi beint á toppinn, á lista yfir 100 heitustu lögin, í rúm þrjú ár.
Britney Spears hefur þakkað aðdáendum sínum, sem hún segir að séu þeir bestu í heimi. Hún er nú á tónleikaferðalagi að kynna síðustu plötu sína, The Circus.
Lagið er það eina nýja sem er að finna á nýjum geisladiski poppstjörnunnar, en þar verður að finna alla helstu smelli söngkonunnar. Hann er væntanlegur í næsta mánuði.
Max Martin stjórnaði upptökum á laginu, en hann hefur áður unnið með Britney og samdi m.a. „Baby One More Time“, „Oops!... I Did It Again“ og „Stronger“.
- Lokadagur leirmunasýningar
- „Duglegasti“ Eurovision keppandinn
- Þórunn Erna bæjarlistamaður Garðabæjar
- Rauk út í miðri áheyrnarprufu
- UN Women styrktartónleikar á Gauknum
- „Erum ekkert að fara á taugum“
- Vona að Spánn sigri ekki
- Frost ekki bara á Fróni?
- Tókst að góma flóttamörgæsina 337
- Aldrei boðið á stefnumót
- Orðljótur í Cannes
- Hróaðu þig niður!
