Það mætti halda, að hin tvítuga Elizabeth Lambert hafi talið sig vera að keppa í fjölbragðaglímu en ekki knattspyrnu fyrir háskóla sinn í Nýju-Mexíkó ef marka má myndir úr leik skólaliðsins hennar.

Elizabeth sparkar í andstæðingana, rífur í hár þeirra og gefur þeim olnbogaskot, allt að því er virðist án þess að dómarinn verði þess var. Á endanum gekk hún þó of langt og hefur nú verið rekin úr skólaliðinu.

Að sögn Reutersfréttastofunnar hefur Elizabeth  beðist afsökunar á framkomu sinni.