Vilja kvikmynda bækur Sindra Freyssonar

Felix Film í Stokkhólmi hefur gert tilboð í kvikmyndaréttinn á tveimur skáldsögum Sindra Freyssonar, Flóttanum og Dóttur mæðra minna sem er nýkomin út. Viðræður eru nú á lokastigi og er reiknað með að gengið verði endanlega frá samningum á næstunni, samkvæmt fréttatilkynningu.

Felix Film er í eigu kvikmyndagerðarmannanna Helga Felixsonar og Titti Johnson og hefur um árabil framleitt heimildarmyndir frá öllum heimshornum. Nýjasta mynd Helga, Guð blessi Ísland, um hrunið og afleiðingar þess, hefur vakið mikla athygli og umtal og verður sýnd í mörgum helstu sjónvarpsstöðvum Evrópu. Flóttinn og Dóttir mæðra minna yrðu hins vegar fyrstu leiknu verkefni Felix Film og miklu meiri að umfangi en fyrri myndir þeirra, að því er segir í fréttatilkynningu frá Veröld sem gefur bækur Sindra út.
 

• 1 blogg um fréttina

Bloggað um fréttina

• Yngvi Högnason: Ljósmynd frekar?