Tungnakonur fækka fötum

Þær eru fjarska flottar kvenfélagskonurnar í Biskupstungum sem tóku sig til og sátu fremur léttklæddar fyrir á ljósmyndum sem nú eru orðnar að dagatali sem þær ætla að selja til fjáröflunar.

„Þetta hefur verið mjög gaman. Við skemmtum okkur konunglega í myndatökunni og dagatalið heitir Tvær úr Tungunum,“ segir Svava Theodorsdóttir, gjaldkeri Kvenfélags Biskupstungna.

„Við létum loksins verða af því að framkvæma þessa hugmynd en hún hafði fyrst komið upp fyrir mörgum árum. Okkur fannst full ástæða til að gera eitthvað skemmtilegt í kreppunni og láta gott af okkur leiða en ágóðann af sölu dagatalsins ætlum við að nota til að bæta aðstöðuna hér í sveitinni til heilsueflingar og einnig ætlum við að leggja fé til kaupa á sónar-skoðunarbekk á fæðingardeildina á Selfossi.“

Sjá nánar í Morgunblaðinu í dag.