Páll Óskar í þjóðlegum gír. Golli / Kjartan Þorbjörnsson

„Ég er hættur að taka við bókunum út árið 2010. Það er allt orðið fullt og ég get ekki tekið við meiru,“ segir tónlistarmaðurinn Páll Óskar Hjálmtýsson í talhólfsskilaboðum sínum, dagbókin sé útkrotuð og hann „meiki ekki að taka fleiri gigg“.

„Svo hlusta ég aldrei á þetta talhólf þannig að það þýðir ekkert að gera það sem þessi kona segir,“ segir Páll og á þar við kvenrödd sem biður hringjanda að skilja eftir skilaboð eftir að hljóðmerki heyrist.