Í kvöld verður Bebopfélag Reykjavíkur með sitt vikulega bebopkvöld á Café Kultura. Markmið félagsins er að halda vikulega tónleika þar sem íslenskir jazzleikarar leika bebop, en einnig að virkja þá sem áhuga hafa til að taka þátt í samspili.

Stuttir tónleikar hefjast kl. 21.30, en að þessu sinni koma fram Leifur Gunnarsson á kontrabassa, Hjörtur Steinarsson á gítar, Hjörtur Ingvi Jóhannsson á píanó og Scott McLemore á trommur. Kl. 22.30 hefst síðan jamsession og er öllum sem hafa áhuga boðið að spila með.