Veröld/Fólk | Veraldarfréttir | mbl | 9.2.2010 | 16:28 | Uppfært 17:47

Sækir um skilnað í 15. sinn

Hjónin Matti Nykänen og Mervi Tapola. mbl.is

Mervi Tapola hefur nú farið fram á skilnað við mann sinn Matti Nykänen, fyrrum skíðastökkvara. Skilnaðarbeiðnina lagði hún fram í héraðsdómi Tammerfors og er þetta í 15. skipti sem hún vill skilja við skíðastökkvarann.

Fjórtán sinnum hefur Mervi Tapola dregið skilnaðarbeiðnir sínar til baka. „Nú hef ég tekið endanlega ákvörðun,“ sagði Tapola í samtali við Iltalehti. Hún tók hina endanlegu ákvörðun eftir heiftarlegt rifrildi þeirra hjóna um jólin. Átökunum lyktaði með því að Matti Nykänen særði konu sína með hnífi.

Héraðsdómstóllinn hefur sett Matta Nykänen í þriggja mánaða nálgunarbann og er hann grunaður um alvarlega valdbeitingu gagnvart konu sinni.

Veröld/Fólk, Veraldarfréttir — Fleiri fréttir

Styttuþjófar herja á London

Listaverki Barböru Hepworth var rænt úr Dulwich-garðinum og það selt í brotajárn.

18:05 Þjófagengi fara nú ránshendi um London og stela styttum úr málmi, bræða þær og selja í brotajárn. Verðhækkun á kopar, bronsi og öðrum málmum hvetur þjófana til ódæðisins. Meira

Tólf ára bjargaði ættaróðalinu

Í gær, 21:37 Tólf ára piltur frá Wisconsin í Bandaríkjunum er orðinn hetja innan fjölskyldu sinnar, ef ekki víðar, eftir að hann bjargaði ömmu sinni frá því að vera borin út úr húsi sínu, sem hafði verið í eigu fjölskyldunnar í þrjá ættliði. Meira

Sektir fyrir að kasta svifdiskum

Hættulegur leikur? Maður leikur sér með svifdisk á ströndinn Venice Beach í Kaliforníu.

15:18 Sólardýrkendur geta nú átt á hættu að verða sektaðir fyrir að henda boltum og svifdiskum sín á milli á ströndum Los Angeles-sýslu í Kaliforníu. Sektin nemur 12 þúsund krónum. Meira

Skaut í sundur fartölvu dóttur sinnar

í fyrradag Myndband af bandarískum karlmanni sem refsar unglingsdóttur sinni með því að skjóta af skammbyssu á fartölvu hennar hefur vakið hörð viðbrögð á netinu og yfir tvær milljónir manna skoðað það á Youtube. Refsingin var tilkomin vegna færslu stúlkunnar á Facebook, þar sem hún kvartar yfir foreldrum sínum. Meira