Unnur Eggertsdóttir.

Leitinni að Sollu stirðu er lokið. Hún fannst í Verslunarskóla Íslands, heitir Unnur Eggertsdóttir og er 17 ára. Áheyrnarprufur fóru fram um síðustu helgi og sóttu mörg hundruð stúlkur um að fá að klæðast kjólnum bleikröndótta.

Unnur er ekki alls óvön því að standa á sviði en hún kemur fram í Thriller, söngleik Verslunarskólans, sem er sýndur í Loftkastalanum.

Hin nýja Solla kemur síðan fram á Latabæjarhátíðinni í lok mars og á fleiri tilfallandi skemmtunum.