Lögreglumennirnir í Manchester líta snjókast alvarlegum augum. Golli/ Kjartan Þorbjörnsson

Peter Fahy lögregluforingi í Manchester á Englandi hefur sett ofan í við lögreglumenn sem hafa skilgreint snjókast sem „alvarlega ofbeldisglæpi“. Hann segir að lögreglumenn verði að beita almennri skynsemi í störfum sínum.

Í síðasta mánuði var lögð fram skýrsla þar sem fólk sem kastaði sex snjóboltum var talið hafa gerst sek um alvarlegan ofbeldisglæp. Slíkt orðalag er að jafnaði einvörðungu notað þegar um er að ræða morð, nauðgun eða þegar fólk verður fyrir líkamstjóni. Enginn meiddist í atvikinu og enginn var ákærður.

Fahy sagði að mistök hefðu átt sér stað, en sagði að um mætti kenna að lögreglumenn hans hefðu ruglast í skrifræði vegna óskýrra reglna.