mbl.is/Kristinn Ingvarsson

Brúðurin, sem heitir Marissa Ann Putignano-Keene, 22 ára, hefur verið ákærð fyrir árás með banvænu vopni, bíl, en hún mun hafa reynt að aka yfir konuna og son hennar á bílastæði í bænum Barnstable á Þorskhöfða að sögn blaðsins  Cape Cod Time. Engan sakaði þó.

Fjallað er um málið á fréttavef BBC. Þar kemur fram, að ástkonan fyrrverandi sagðist hafa verið á leið heim eftir vinnu og stytt sér leið yfir bílastæðið þegar brúðhjónin óku framhjá. Brúðurin hafi skrúfað niður bílrúðuna og hrópað dónaleg móðgunaryrði að henni en síðan gefið í og ekið ógnandi að henni.

Brúðguminn, Timothy Keene, 37 ára sem sat í farþegasætinu, var einnig ákærður fyrir óspektir og úrskurðaður í varðhald.  Brúðhjónin munu hafa viðurkennt fyrir lögreglu, að þau hefðu áður drukkið saman úr kampavínsflösku í brúðkaupsveislunni í ráðhúsi bæjarins.

Þeim var sleppt úr haldi í gær eftir að hafa eytt nóttinni í fangageymslu Barnstablefangelsis.