Það má velta því fyrir sér hvort selja eigi holur í íslenskum þjóðvegum í ljósi efnahagsástandsins mbl.is/Júlíus Sigurjónsson

Sveitarfélög grípa til ýmissa ráða þegar þau standa illa fjárhagslega. Til að mynda ætlar þorpið Niederzimmern í austurhluta Þýskalands að bjóða holur á vegum sveitarfélagsins til sölu. Verður ágóðinn nýttur til að gera við holótta vegi.

Að sögn Christoph Schmidt-Rose, bæjarstjóra í Niederzimmern kostar hver hola 50 evrur, 8.700 krónur. Gegn greiðslu þá munu yfirvöld gera við holuna. Hann segir að hugmyndin hafi vakið mikla athygli fjölmiðla en sérfræðingar telja að um 40% þjóðvega í Þýskalandi hafi skemmst í vetur en veturinn hefur verið afar slæmur þar í landi.