Rannsókn er nú hafin á vegum bandarískra flugyfirvalda á því hvort barn hafi fengið að stjórna flugumferð á John F. Kennedy flugvellinum í New York fyrr á þessu ári. 

Svo virðist sem flugumferðarstjóri hafi tekið ungan son sinn með sér í vinnuna og leyft honum að tala við flugmenn og veita þeim flugtaksleyfi. Vefsíða áhugamanna um flug tók samskiptin upp og birti þau í gær. 

Bandaríska flugmálastjórnin hefur vikið flugumferðarstjóranum frá störfum meðan rannsókn fer fram á málinu og segir að framkoma hans sé óviðunandi.