Mezghan Hussainy og Simon Cowell Reuters

Tónlistardómarinn Simon Cowell er alveg til í að eignast börn en veit ekki hvort hann sé að verða of gamall fyrir slíkt. Kappinn varð fimmtugur á síðasta ári. Cowell trúlofaðist unnustu sinni, Mezghan Hussainy, nýverið og er farið að styttast í brúðkaupið.

Eitthvað er á reiki hvort þau hafi sett upp hringa og hefur umboðsmaður Cowell neitað að staðfesta það. Cowell sagði hins vegar í þætti Jay Leno að það væri kona í lífi hans og að hann hafi tekið þá ákvörðun að gleða einhvern í ár. Hann neitaði hins vegar að lýsa því hvernig hann bað um hönd Hussainy.

Cowell segir að sögusagnir um brúðkaup í sumar séu rangar en það muni fara fram innan tíu ára.