Rolling Stones: Ron Wood, Charlie Watts, Keith Richards og Mick Jagger Reuters

Rokkarinn Mick Jagger og fyrirsætan Kate Moss vinna að því hörðum höndum að halda gítarleikara Rolling Stones, Ronnie Wood, frá áfengi.

Fleiri taka þátt í baráttunni þar á meðal tónlistarmennirnir  Elton John og Rod Stewart. Þeir hafa hitt Wood reglulega og hvatt hann til dáða.

Wood segir í viðtali við The Sun að hann viti að flestir vinir hans standi við bakið á honum. Hann þrái að hætta endanlega. Á hann að hafa haldið sér þurrum í tvo mánuði, meðal annars til þess að gleðja nýjustu unnustuna,  Ana Araujo, 30 ára. Er nú uppi orðrómur um að þau ætli að ganga í hjónaband síðar á árinu.