Ernest Hemingway. mbl.is

Hvað er svona merkilegt við Hemingway? er titill á námskeiði Ástráðs Eysteinssonar prófessors sem hann heldur hjá Endurmenntun Háskóla Íslands.

Á námskeiðinu fjallar Ástráður um ritverk bandaríska nóbelshöfundarins Ernests Hemingways og víkur einnig að ímynd hans sem rithöfundar og ævintýramanns, en á námskeiðinu verður gætt að stríðinu, útlegðinni, ástinni og samskiptum kynjanna í verkum höfundarins og spurt hver séu einkenni hins fræga „harðsoðna stíls“ hans.

Námskeiðið hefst kl. 20:15 á fimmtudaginn og verður haldið á fimmtudögum næstu þrjár vikurnar.