Strengjasveitin Skark var stofnuð árið 2008 af ungum strengjaleikurum sem voru að halda utan í framhaldsnám. Tónlistarfólkið unga hafði spilað saman hér heima og vildi halda því áfram eftir því sem færi gæfust.

Það hefur gengið bærilega og nú eru framundan tvennir tónleikar í Berlín; á fimmtudag spilar sveitin í gamalli sundlaug í Berlín, Stattbad Berlin, og á laugardag í Íslenska sendiráðinu þar í borg.

Þetta verður í fyrsta sinn sem keppnissundlaugin í Stattbad Wedding verður notuð sem tónleikastaður. Á efnisskránni eru verk eftir Leif Þórarinsson, Jón Leifs og Hauk Tómasson og Musica Dolorosa eftir lettneska tónskáldið Petris Vasks.

Sjá nánari umfjöllun um þetta mál í Morgunblaðinu í dag.