Menningarverðlaun DV fyrir árið 2009 voru afhent í gærkvöldi, en auk verðlaunanna sem dómnefnd velur í hverjum flokki, voru veitt netverðlaun og sérstök heiðursverðlaun sem forseti Íslands, Ólafur Ragnar Grímsson, afhenti.

Eftirfarandi hlutu menningarverðlaunin að þessu sinni:

Fræði Fornleifastofnun Íslands og Gavin Lucas fyrir Hofstaðaverkefnið og bókina Hofstadir, Excavations of a Viking Age Feasting-hall.

Byggingarlist Halldóra Arnardóttir og Pétur H. Ármannsson fyrir bókina um Manfreð Vilhjálmsson arkitekt.

Tónlist Daníel Bjarnason fyrir fjölbreyttan árangur sinn á tónlistarsviðinu árið 2009.

Hönnun Hönnunarhópurinn Vík Prjónsdóttir fyrir hönnun á framleiðslu fyrir verksmiðju Víkurprjóns.

Leiklist Benedikt Erlingsson, Bergur Þór Ingólfsson og Halldóra Geirharðsdóttir fyrir sýninguna Jesúm litla.

Myndlist Listasafn Reykjavíkur fyrir sýningaröð í D-sal Hafnarhúss.

Kvikmyndir Þórunn Hafstað fyrir heimildarmyndina Íslensk alþýða.

Bókmenntir Kristján Árnason fyrir þýðingu sína á Ummyndunum Óvíds.

Svokölluð netverðlaun sem lesendur DV völdu hlaut hljómsveitin Hjálmar. Heiðursverðlaun hlaut svo tónskáldið og píanóleikarinn Jórunn Viðar fyrir framlag sitt til íslenskrar tónlistar.