Tónlistarmaðurinn Elton John og eiginmaður hans kvikmyndagerðarmaðurinn David Furnish eru meðal þeirra sem komu að gerð leikritsins Next Fall sem sýnt er á Broadway í New York. Fjallar leikritið um samband samkynhneigðra karlmanna eftir alvarlegt slys. Segir Elton John að eigin reynsla hafi haft áhrif á þá ákvörðun hans að koma að verkinu.
Elton John segir í viðtali við dálkahöfund New York Post að hann hafi verið í sambandi við mann sem framdi sjálfsvíg með því að að kasta sér fyrir flutningabifreið. Að sögn John kom þetta honum algjörlega í opna skjöldu þar sem ástvinur hans hafi ekki ýjað að neinu.