Hljómsveitin Beneath.

Hljómsveitakeppnin Wacken Metal Battle verður haldin á Sódóma Reykjavík nú á laugardaginn.

Sjö hljómsveitir munu berjast um heiðurinn af því að komast út til að spila á Wacken, stærstu þungarokkshátíð heims, og var það dauðarokkssveitin Beneath sem fór með sigur af hólmi í fyrra.

Sigurhljómsveitin er valin af dómnefnd, en hvorki meira né minna en sex erlendir aðilar koma til landsins til að skipa hina tíu manna dómnefnd.

Sjá nánari umfjöllun um þetta mál í Morgunblaðinu í dag.