Nýjasta myndband Gus Gus við „Thin Ice“ er komið til sýninga á netinu. Um er að ræða aðra smáskífuna af 24/7, sem er nýjasta plata sveitarinnar.

Myndbandið var tekið upp í Fellahverfinu í Breiðholti og er leikstýrt af þeim Heimi Sverrissyni og Jóni Atla Helgasyni. Þeir leikstýrðu einnig myndbandi Gus Gus við „Add This Song“.

Meðal leikenda eru auk Gus Gus nemendur úr Fellaskóla og Breiðholtsbúar sem tóku fagnandi þátt.

Sjá nánari umfjöllun um þetta mál í Morgunblaðinu í dag.