Poppdrottningin Madonna kemur víða við, hefur sinnt tónlist, leikið í kvikmyndum og leikstýrt og samið barnabækur og nú ætlar hún að hanna föt á táningsstúlkur, með aðstoð dóttur sinnar Lourdes sem er einmitt táningur.

Lína þessi verður frumsýnd í ágúst og verður aðeins seld í verslunum Macy's. Foreldrar þurfa þó ekki að kvíða því að dætur þeirra vilji klæðast oddhvössum brjóstahöldurum að hætti Madonnu, línan verður öllu settlegri en þau klæði sem Madonna hefur brugðið sér í á tónleikum.

Línan hefur hlotið nafnið Material Girl og er þar vísað í einn af smellum drottningarinnar sem ber það nafn.

Sjá nánari umfjöllun um þetta mál í Morgunblaðinu í dag.