Rapparinn 50 Cent er í Kaupmannahöfn um helgina. Astrid Stawiarz

Einn lífvarða rapparans 50 Cent hefur verið kærður fyrir að hafa ráðist á danskan ljósmyndara í dag, sem beið ásamt starfsbræðrum sínum fyrir utan hótel í Kaupmannahöfn þar sem 50 Cent og fylgdarlið dvelja á meðan tónleikahaldi stjörnunnar stendur í borginni um helgina.

Samkvæmt frásögn Berlingske Tidende beið ljósmyndarinn þolinmóður fyrir utan hótelið þegar lífvörðurinn birtist og reyndi að hindra hann að störfum.

Haft er eftir ljósmyndaranum að lífvörðurinn hafi beðið hann og fleiri fjölmiðlamenn að færa sig og síðan hafi hann skyndilega ráðist að þeim. Fékk ljósmyndarinn högg í andlitið og marinn á eftir. Lífvörðurinn lét þetta víst ekki duga heldur rauk inn í bíl ljósmyndarans og tók þaðan myndavél og annan tengdan búnað.

Ljósmyndarinn lagði fram kæru til lögreglunnar sem tók að sér rannsókn málsins.  Tónleikar 50 Cent fara eftir sem áður fram í Bröndby höllinni í kvöld.