Spænski ljósmyndarinn Enrique Pacheco hefur tekið ástfóstri við Ísland og sýnir nú í Gallerí Myndmáli, Laugavegi 86.

Með myndunum leitast Pacheco við að nálgast íslenska menningu í gegnum fólkið í landinu, út frá nálægu og einlægu sjónarhorni.

Pacheco hefur nú í heilt ár ferðast þvert og endilangt um Ísland og drukkið í sig menningu þjóðarinnar því aðeins þannig telur hann sig geta dregið upp sanna og rétta mynd af landinu.