Bretar fögnuðu með ljósagangi á laugardag við hinn sögufræga vegg Hadríans að um 1.600 ár eru liðin frá því að veldi Rómverja leið undir lok.

Hátíðin hófst með flugeldasýningu í Carlisle. Fimmhundruð sjálfboðaliðar klæddir að fornum sið mynduðu síðan 135 km ljósalínu meðfram veggnum sem eitt sinn skildi norðurhluta Englands frá hinum hluta landsins og lýstu hann upp í um hálftíma.

Veggurinn dregur nafn sitt af rómverska keisaranum Hadrían sem hóf byggingu hans árið 122.  Sagan segir hann hafa byggt vegginn til að halda Skotum fjarri en sagnfræðingar í dag, telja hann frekar hafa átt að virka sem varðstöð.