Músíktilraunir eru nú haldnar í 28. skipti. Ernir Eyjólfsson

Fyrsta undankeppni Músíktilrauna fór fram í kvöld og komu tíu hljómsveitir fram að þessu sinni. Töluverður hópur tónlistaráhugafólks var mætt í Óperuna til að fylgjast með keppninni, sem fór vel af stað.

Það var hljómsveitin Husband sem stóð sig best að mati áhorfenda, en Vulgate fékk flest atkvæði dómnefndar.

Báðar þessar hljómveitir munu keppa á úrslitakvöldi Músíktilrauna í næstu viku. Þrjár undankeppnir til viðbótar verða haldnar næstu kvöld og munu bætast við að minnsta kosti átta hljómsveitir til viðbótar áður en úrslitakvöldið rennur upp á laugardaginn eftir viku.