Peter Graves. Reuters

Bandaríski leikarinn Peter Graves er látinn, 83 ára að aldri. Graves er þekktastur fyrir að leika í sjónvarpsþáttunum Mission: Impossible á sjöunda áratug síðustu aldar og fyrir að leika flugstjórann í myndinni Airplane! árið 1980. 

Graves lést af völdum hjartaáfalls á heimili sínu í Pacific Palisades, úthverfi Los Angeles, í gær.

Hann lék í yfir 130 kvikmyndum og sjónvarpsþáttum um ævina, þar á meðal aðalhlutverkið í þáttunum Mission: Impossible á árunum 1967 til 1973.