He Pingping, sem skráður var minnsti maður heims í Heimsmetabók Guinness, er látinn, 21 árs að aldri. He, sem var kínverskur, var 74,61 sentimetrar að hæð

He var í Róm til að taka þátt í sjónvarpsþætti þegar hann fékk brjóstverki. Hann var fluttur á sjúkrahús þar sem hann lést um helgina.

Craig Glenday, aðalritstjóri Heimsmetabókar Guinness, rifjaði upp þegar hann mældi He í Innri-Mongólíu árið 2008. „Þótt hann væri smávaxinn hafði hann mikil áhrif um allan heim," sagði Glenday. „Um leið og ég sá hann vissi ég að hann var sérstakur. Hann var með ósvífið bros og prakkaraeðli og fólk komst ekki hjá því að líka vel við hann. " 

Heimsmetabókin mun innan skamms úrskurða hver er minnstur í heimi. Nepalbúinn  Thapa Magar, 18 ára, lýsti því yfir í febrúar að hann ætti tilkall til þessa titils en hann er sagður vera 51 sentimetri á lengd.